þann 5. júlí 2018 fer fram líklega stærsti leikur 3. deildarinnar fram og er það viðureign Dalvík/Reynis – KF. Nágrannaslagur af bestu gerð! KF og Dalvík hafa mæst 19 sinnum frá árinum 2011 samkvæmt KSÍ og hefur KF unnið 10 leiki, 3 leikir hafa farið jafntefli og Dalvík hefur unnið 6.
Á síðasta tímabili mættust þessi lið í 3. deild karla og hafði KF betur í bæði skiptin fyrst á Ólafsfjarðarvelli 3-1 og svo á Dalvík vannst leikurinn 5-2.

Innbyrðis viðuregnir KF – Dalvík/Reynis

Úr leik KF-Dalvík/Reynis í fyrstu umferð 3.deildar karla 2017 – Mynd: Guðný Ágústsdóttir

Á þessu tímabili hefur Dalvík byrjað frábærlega á mótinu og sitja þeir í efsta sæti deildarinnar með 6 sigra og 2 töp. Markahlutfall Dalvíkur er þannig að Dalvík hefur skorað 18 mörk og fengið á sig 9 og eru þeir einnig með markahæðsta leikmann deildarinnar hann Nökkva Þeyr Þórisson með 8 mörk, Hann hinsvegar mun ekki spila leikinn gegn KF þar sem hann fékk beint rautt í síðasta leik gegn KH.

KF hefur hinsvegar þurft að sætta sig við vonda byrjun á tímabilinu og sitja þeir í sjöunda sæti deildarinnar með 9 stig með 3 sigra og 5 töp. Markahlutfall KF er þannig að KF hefur skorað 7 mörk og fengið á sig 11. Markahæðsti leikmaður KF er Ljubamir Delic með 3 mörk.

Staðan í 3. deild karla eftir 8 umferðir

Dalvík/Reynir – KF fer fram á fimmtudaginn næstkomandi klukkan 19:15 og má búast við nágrannaslag af bestu gerð og er þetta svokallaður 6 stiga leikur fyrir bæði lið þar sem KF getur slitið sig frá botnbaráttunni með sigri og Dalvík/Reynir komið sér í þæginlega stöðu á toppi deildarinnar.
Við hvetjum alla stuðningsmenn KF að skella sér til Dalvíkur og fylla stúkuna og hvetja okkar menn til sigurs.

ÁFRAM KF !!!