Góður 3-1 sigur í kvöld gegn Einherja, einnig fengum við aðrar frábærar fréttir til að hafa með okkur inn í helgina, Það bættist við nýr/gamall leikmaður í hópinn hjá KF sem flestir ættu að kannast við.

THE COMEBACK IS ON! mynd: Guðný Ágústsdóttir

Heimir Ingi Gretarsson var óvænt mættur í hóp hjá KF gegn KFG þann 14. júlí og fékk hann þar 5 mínútur og stóð hann sig með prýði. Eftir þann leik ákvað Heimir að taka skónna af hillunni eftir að hafa lagt þá hilluna frægu árið 2016 vegna meiðsla. Í kvöld skrifaði Heimir undir samning hjá KF og hefur hann ákveðið að taka slaginn með KF út tímabilið.

Heimir Ingi er fæddur 1996 og er hann Sóknarsinnaður leikmaður sem getur spilað út á kanti, inná miðju og sem framherji. Heimir hefur alltaf spilað undir merkjum Leiftur og KF upp alla yngri flokka og spilaði hann sína fyrstu meistaraflokks leiki með KF 2013 í 1. deildinni. Heimir mun koma til með að styrkja hópinn mikið, þar sem að hann er líkamlega sterkur og mjög yfirvegaður leikmaður.

Við bjóðum hann hjartanlega velkominn til KF og hlökkum við að sjá hann í næstu leikjum.

HE’S COMING HOME

ÁFRAM KF

Heimir við undirskriftina í kvöld